شوية نكت اووووووووووووووووووووووووع

حد بيقول لحبيبته (واحده ست ) يمكن مكنش غني .. ولا عندي عربية ولا فيلا ولا مزرعة ولا شركه ولا
> فلوس زي محسن صاحبي ولكني أعشقك واحبك .. فضمته ودمعت عيناها وقالت : إن كنت
> بتحبني بجد .....عرفني على محســـــن

محشش قاعد مع اصحابه و بيحكيلهم : انا مره طلعلى اسد و كان فى ايدى كباية ميه رميته بيها الاسد طلع يجرى... رد عليه واحد من اللى قاعدين قاله صح انا لما قابلت نفس الاسد ضربته بالقلم ايدى اتبلت


مره ولد صغير كل يوم يروح لمحل جاتوهات يقول لصاحب الحل عاندك تورته بالكوسه
يقوله لأ ياحبيبي تاني يوم يا عمو عاندك تورته بالكوسه يقوله لأيا حبيبي المهم الولد إستلم صاحب المحل 3 شهور و 12 يوم علي نفس النظام صاحب المحل قال لما أقوله اه فيه وخلاص جه الولد اليوم اللي بعد كده قاله عمو عاندك تورته بالكوسه قاله أه يا حبيبي رد الولد قاله يعععععععععععععععععععععع


ولد بارد راح لصاحب محل قاله عاندك كبريت يقوله أه يرد الولد يقوله طاب هاتلي كيس مكرونه تاني يوم عمو عاندك زيت يقوله اه الولد يقوله طاب هاتلي كيس سكر تالت يوم عمو عاندك بسكوت يقوله اه يا حبيبي يقوله طاب اديني تشيكلس المهم الولد استلم الراجل صاحب المحل كتير علي كده فلما الراجل قابل أبو الولد حاكاله المشكله فزعل أبو الولد وقال للراجل خد العصاية دية و لما يجيلك تاني إضربة بالقلم علي وشه


واحد شحات راح لواحد عجلاتي قال له أعطيني مما أعطاك الله، قال له العجلاتي خد لك لفة



مره مسئول كبير راح يفتتح حمام سباحه كبير في سوهاج

فكان مدير الحمام بيشرحله مميزات الحمام فقال:

ده يا فندم المنط العشرين متر اطلع يا محمدين نط فنط

و ده يا فندم المنط الاربعين متر اطلع يا حسنين نط فنط

فقال المسئول هايل هايل

فقاله المدير ولسه كمان يا فندم لما نملاه ميه


صعيدي مع خطيبته في الكازينو..أنقطعت الكهرباء..قالتله: يللى بقى إنتهز الفرصه....قام هرب من غير مايدفع الحساب .

سكران ماسك الفرخة بتاعته .قاعد يضرب فيها يضرب فيها ويقولها: كل يوم بيض بيض مافيش جبنه

واحد بيقول لمراتة : تصدقي جارنا بيقول انه خان مراته مع ستات العمارة كلهم الا واحده بس؟
قالت لة أكيد الولية الرخمة اللي في الدور الرابع

فى بلد كلها أغبية فى نهاية هذه البلد حفره كبيرة كل ما واحد يعدى يقع فى هذه الحفره فقالوا لازم نجيب حد ذكى يحل المشكلة دى ...... جابو أذكى ثلاثة فى البلد الأول قال: أحنا نقف هنا واللى يقع نطلعه ونوديه المستشفى الثانى قال له أنتى غبى مأحنا نجيب الإسعاف تقف هنا واللى يقع تخده هى وتوديه المستشفى .......فقال الثالث أما أنتو بلد أغبيه صحيح مأحنا نردم الحفره دى ونحفر وحده عند المستشفى علطول

غبي راح عمل سشوار عند الحلاق وقال عندي فرح بعد اسبوع وعايز شعري يفضل حلو كده الحلاق قاله بس ابعد عن الميه -- رجع بعد 3 ايام بيقول للحلاق ...... عطشـــاااااااان

استاذ سأل تلميذ الثعلب بيولد ولا بيبيض قاله ده مكار اتوقع منه اي حاجه

جمه اوي النكت ديه يا مان thank u

هههههههههههههههههههه
نكت جامد و جديده

ههههههههههههههههههههههههههههه
ميرسى على النكت الجميله

هههههههههههههههههههههههه
حلوه النكت دى
مشكوووووووور على الموضوع

شكرا على المرور الجميل