تضامنا مع مبادرة ستاركوووول : كل جماهير الأهلي في أستقبال جوزيه امام الماريوت قبل سفره للبرتغال لقضاء أجازته السنوية

لو عايز تقول لجوزيه متسبناش احنا بنحبك .. لو عايز تقول لجوزيه أنت أفضل مدرب في تاريخ الأهلي .. لو عايز تقول لجوزيه متسمعش للوسط الأعلامي واسمع بس صوتنا وتشجيعنا ليك .. لو عايز تقول لجوزيه احنا شايفينك رمز لا تقل عن العظيم صالح سليم او الوفي ثابت البطل وغيرهم من رموز الأهلي العظام



لو عايز تقولوه انك بجد مرتبط به وكأنه واحد من أسرتك ابوك او أخوك او عمك او خالك .. لو عايز تقول لجوزيه ان حلمنا بالوصول لليابان للمرة الثالثة مرتبط بيك .. لو عايز تقول لجوزيه اننا واثقين ان معظم البطولات اللي حققها الأهلي في عهدك كان ليك فيها التأثير الأكبر .. لو عاوز تقول لجوزيه اي شئ كنت بتحلم تقولوه له بعد ماعرفت انه بيفكر في الرحيل فأنت قدامك الفرصة انك تعمل ده اليوم وبعد مباراة الألمونيوم في نجع حمادي .


فسيعود الفريق مباشرة في حدود الثانية عشر والنصف مساءا الي القاهرة ومن ثم ستكون انت وانا ومعنا عدد كبير من جماهير الأهلي في انتظار الأسطورة جوزيه أمام مكان اقامته بفندق الماريوت قبل سفره للبرتغال لقضاء أجازته السنوية لعله يحرك قلبه من جديد ويتذكر حب جماهير الأهلي الجارف له وان كنت أظن انه يعلمها ويعيها جيدا ولكن ولأن جوزيه عندما تحدث للاعيبين قال لهم بالنص "لو فكرت بعقلي فسأترك الفريق ولو فكرت بقلبي فلن أرحل" لذا فعلينا ان نوقف عقل جوزيه ولو لفترات قليلة لنساعد قلبه على اتخاذ قرار البقاء مع الفريق والسير مجددا نحو المزيد من الأنجازات والبطولات مع النادي الأهلي .

ياريت بجد كل الأهلاوية يعرفوا ان دي بجد هتكون مظاهرة حب في حق رجل أعطى الكثير والكثير للنادي الأهلي وكلنا متأكدين انه مازال يملك الكثير ليقدمه .. في انتظار عدد كبير من الأهلاوية اليوم بأذن الله

وده عنوان الفندق بالنسبة للناس اللي تحب تعرفه : يقع الفندق في 16 شارع سراي الجزيرة على كورنيش النيل بالزمالك

ان شاء الله جوزيه مش هايمشى

وعاوززززززززززززززززززززينك يا افضل مدرب للنادى الاهلى
ومشكوررررررررررررر يا بيسو على الموضوع