التضحية فى الحب ايةهو معنى التضحية وتضحى عشان مين

انهارده هتكلم فى موضوع مهم ويهم الكتيير منا واوعدكوا انى هتكلم فيه بمصداقيه وبامانه
وكمان هتكلم فى كل الجوانب الخاصه بيه انشاء الله

طبعا كلكوا عرفتوا ان انا هتكلم فى التضحيه فى الحب
وعشان نفهم نعنى التضحيه فى الحب تعالوا نمشى واحده واحده مع بعض عشان نفهم احنا ليه اصلا بنضحى ؟

كل واحد فينا قبل مايحب كان عايش وحيد ولسه معرفش يعنى ايه الاحساس الغريب ده اللى اسمه الحب الاحساس اللى بيخدك لعالم تانى مليان بالاحلام والمشاعر الرقيقه

وتيجى اللحظه السحريه اللى بتخلى قلبك يبدا ينبض اكتر من الاول وتخلى نور الشمس له شكل جديد فى عنيك وتحس انك بدات تعيش فى عالم تانى غير العالم اللى انت كنت عايش فيه

ولما بتحب بجد بتحس انك انت وحبيبك بقيتوا روح واحده روحك بتدخل فيه وروحه بتدخل فيك بتحسوا بالام يعض وبتحسوا بلحظات السعاده مع بعض وبالتالى بقيتوا بتخافوا على بعض اكتر ما بتخافو على نفسكو وتخاف تزعلها او تشوف دمعه فى عينيهاوتلاقيك بتمنع اى لحظه حزن تمر بيها

حاجه تانيه كل واحد فينا بيبدا يكتشف صفات جديده كانت مستخبيه لان فى فتره الحب فى صفات بتحس بيها لاول مره مع انك عايش بيها طول حياتك ففى فتره الحب بتحس انك هادى وورومانسى وطيب اكتر من الازم وكل ده عشان بتحب

طبعا لازم تكونوا فهمتوا انا اقصد ايه من ورا الكلام اللى عمال اقوله ده
اقصد ان الواحد بيضحى عشان يحافظ على كل الحاجات اللى انا قلتها ده وبتبقى مستعد انك تتعب وتضحى اكتر واكتر مقابل انك تشوف ابتسامه رقيقه على وجه حبيبيك ويكفيك انها تكون بسببك انت وانك تحس ان الفرحه اللى فى عنيه ورضاه عنك سببه هو انت

لكن لازم نفهم معنى التضحيه بالضبط
ا

لتضحيه مش انك تخليك كويس مع حبيبك كل الاوقات وتبقى دايما حنين وعلطول تتفهم اخطاء حبيبك وانك لازم متتاخرش عليه لما يكون عايز يشوفك وانك ماتخلفش وعودك معاه التضحيه مش انك بس تخلص فى حبك او تنسى العالم كله وتفضل فكره
لكن التضحيه انك تعمل كل اللى يسعده ويفرح قلبه حتى لو جه على حساب ماتحب انت ,التضحيه انك تتخلى عن بعض معتقداتك وعاداتك عشان ترضيه ,وعشان تقدر تتوافق معاه فى افكاره ومعتقداته ويبقى فى اهتمامات مشتركه بينكوا ,

يعنى لو انت عايز تعمل حاجه بس هو مش حاببها تلاقيك فى ثانيه قفلت باب هذا الامر وفورا ,او تستنى لحد ماتلاقى بديل اخر يسعده يعنى باختصار شديد التضحيه بتكون فى الاشياء الضخمه التى تغير المصير او انك تغير طباع فيك عشان اللى بتحبه

ولكن يجب عليك ان تتاكد ان الشخص اللى انت بتضحى عشانه ده يستحق انك تضحى عشانه ,لان صعب عليك اوى انك تضحى وتغير حاجات كتيير فيك عشان ترضيه وفى الاخر تلاقيه مايستاهلش التضحيه فيجب ان يكون الحب يقابله حب والاخلاص يقابله اخلاص

فقبل ماتضحى لازم تبقى متاكد ان الشخص ده هيحس بقيمه التضحيه دى وان اللى انت عملته ده مش واجب عليك ولكن ده حق الحب عليك وواجب القلب اللى بيحب
ومن قمه الحب انك ماتنتظرش مقابل لتضحيتك ده وانك ماتحسش انكبكده انسان عظيم وانك فوق البشر كلهم لان لو دخل قلبك الشعور ده هتبدا انك تضحى من اجل الناس وليس من اجل حبك او من اجل اختبار قدرتك على العطاء وليس بدافع الحب

والاهم والاهم فى موضوع التضحيه انك الى متى يمكن ان تضحى ؟؟؟؟

لازم يكون بينك وبين نفسك واضع لنفسك خريطه او خطه واضحه المعالم لاسلوبك فى الحياه وتقدر الحد الذى يمكنك الوصول اليه اذا فكرت انك تضحى فولائك لسعاده حبيبك ليس مفتوح يعنى لو طلب منك اى حاجه سمعا وطاعه مينفعش
لان بالطريقه دى هتفضل تضحى طول عمرك حتى ولو على حساب كرامتك فلكل شى حد واخر فلازم تحط النقط فوق الحروف يعنى لازم تكون مؤمن بالشى اللى انت بتضحى بيه

طبعا فى النهايه عايزه اعرف رايكوا فى الموضوع اللى انا تعبت فيه بصراحه
وعايز اعرف رايكوا فى التضحيه

تقدر تضحى ولا لا

ممممممممممم
انا راى ان اى واحد بيحب لازم يضحى
لان الحب من غير تضحيه مش هيكتمل
ولازم كمان الانسان الى انا هضحى عشانه ده ستاهل وله لا
زى ماا انت قلتى يا شوشو

شكرا على التوبيك الهايل دى