@.C. دائـــــــــ كووووول ـــــــما .S.@


 
الرئيسيةاحلى ستارس .و .جالتسجيلالمجموعاتدخول

شاطر | 
 

 أيوة مش عايزين مصر توصل كاس العالم !

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بسيونى بسيونى
{زعيم رابطة الاهلى}
{زعيم رابطة الاهلى}
avatar

ذكر عدد الرسائل : 1523
العمر : 29
الموقع : ستــــــ كوووول ــــار
العمل/الترفيه : اهلاووووى
نشاط العضو :
73 / 10073 / 100

الاقامه :
تاريخ التسجيل : 06/10/2007

مُساهمةموضوع: أيوة مش عايزين مصر توصل كاس العالم !   الإثنين يونيو 02, 2008 5:47 pm

كثيرا وانا صغيرا ومازلت حتى كنت اتمنى واتذكر عندما كنت أقول لوالدي لطالما تمنيت انا اكون من رجال حرب أكتوبر المجيدة ادافع عن تراب هذه البلد وأفرح معاها في انتصاراتها واساندها في انكسارتها كنت دائما احضر مباريات المنتخب الوطني في الملعب وأهاجم من يشاهدها عبر التلفاز ودائما أفتخر بتذاكري السبع للمباريات الكاملة للمنتخب الوطني في بطولة الأمم الأفريقية 2006 والتي كنت أشتري بعضها بأسعار سوداوية تزيد عن ثلاث أضعافها



بخلاف اني قد سعيت للسفر الى غانا في المباراة النهائية ولكن ظروف التجنيد وتصاريح السفر منعتني من شرف مساندة منتخب بلدي الذي انتمي له وأفخر به دائما وأفخر بكل من يمثله ويحملون ردائه

فقد كنت أشجع عمرو ذكي وهو يدق حصون الأيفوريين وأهتف لحسني عبد ربه وهو يتلاعب بالكاميرونين هو وزيدان وفتح الله ومعوض وغيرهم لايهمني انتمائاتهم لأنديتهم حتى ولو لا أحبهم هم وانديتهم ولكنهم وبالواقع ودون تجميل يرتدون تيشرت به شعار مطبوع عليه "علم مصر"

وانا مشجع درجة ثالثة أعشق مصر وأفرح بأنتصاراتها ولا أعتقد بما فيهم انا اننا نفرح للأهلي مثلا في انتصاراته أكثر من فرحتنا في انتصارات المنتخب الوطني فحتى من يقول هذا فهو يكذب على نفسه ولو شاهد نفسه في الموقفين لعرف الفرق لأعتبارات مشاعر عزة وكرامة وفخر وانتماء وشوية حاجات تانية !

مشجع درجة تالتة عندما يذهب للأستاد يذهب "لمساندة" منتخب مصر "لا يشاهده" أي انني لا أجلس بجواري بنت جميلة من الجامعة الأمريكية فرحانة بالعلم اللي الـ (boy friend) اشتراه لها علشان تغيظ بيه باقي الـ (group) ويقضوا يوم لطيف سواء كسبنا بقى او خسرنا احنا كده كده رايحين ديسكو بعد الماتش !

المهم بأعتذر عن المقدمة الشخصية نسبيا هذه ولكني أعلم تماما انها مشاعر كثير ان لم يكن معظم الأهلاوية اللي بجد بيحبه منتخبهم الوطني وهم كانوا العامل الأساسي والأقوى في الفوز ببطولة أفريقيا 2006 وحتى في بطولة 2008 كان قائد التشجيع في غانا "ريعو" قائد جماهير الأهلي الأول في مدرجات الدرجة الثالثة

ياعني مبدئيا قصة ولاء جماهير الأهلي للنادي الأهلي دون المنتخب الوطني ده يبقى "كلام فارغ" واسف من ناس فارغة لا يعلموا ان كل أنتصارات المنتخب المصري كان شريكها الأساسي هي منظومة النادي الأهلي كاملة ومن ضمنهم تلك الجماهير العريضه جماهير الأهلي اللي هيا "جماهير مصر" كلها !

ماحدث في مباراة الأرجنتين ومن بعدها مباراة الكونغو الديمقراطية سواء كان مقاطعة جماهير الأهلي لتلك المباراة وانا من ضمن هؤلاء او حتى من ذهب خصيصا ليس لتشجيع المنتخب ولكن لمهاجمة الحضري هذا كله شئ طبيعي ومتوقع وكنا قد أشارنا اليه في مقال سابق وقولنا ان حسن شحاتة أمامه خيارين أعلم ان أحلاهما مر أما ان يستغنى عن الحضري او يستغنى عن جماهير الأهلي (شعب مصر)

وطبعا كابتن حسن شحاته هو حر في أختياراته ومحدش طبعا ينفع يهاجمه فالرجل فاز ببطولتين أفريقيتين في انجاز تاريخي يحسب له ولباقي عناصر اللعبة وبالتالي أصبح "محرما" مهاجمة الحاكم بأمره أقصد المدير الفني للمنتخب الوطني ولكن من السهل مهاجمة جماهير الأهلي وحسها على نسيان مافعله الحضري واللي فات مات وخلاص انسوا بقى المبادئ والكلام الفارغ ده احنا خلاص في عصر أحتراف بس والنبي أبقوا أفتكروها وسيبوا عبد ربه للأسماعيلي !

يا سادة ياعالم ياخلق هوه ياللي معندكمش دم ولا ولاء ولا وفاء يا عابدة المال والجاه أرحمونا بقى تكسروا المبادئ في الوقت اللي عايزينه وتطالبه بيها في وقت تاني بتسألوه ليه شباب البلد دي بيتدمر وانتوا اللي بتدمرونا أصبحنا جميعا بلا مثل ولا قدوة حسنة

ليه عايزين تقنعونا بأن الغاية تبرر الوسيلة وأن وجود الحضري ضروري علشان نوصل كاس العالم ومن غيره مش هنوصل خلاص ياعني أسرق علشان أغتني أرتشي علشان أترقى أقتل علشان أعيش أزني علشان أستمتع مادامت الغاية تبرر الوسيلة بغض النظر أن كانت تلك الوسيلة ضد كل المبادئ والتقاليد والقيم والأخلاقيات

يا أخي ملعون وصولنا لكاس العالم لو بالطريقة دي , أيه فايدة اننا نوصل كاس العالم ونخسر شباب كان شايف واحد زي الهارب مثل وقدوة ليه وشايف الناس كلها بتسانده حتى بعد ما هرب وضرب بالتقاليد والمبادئ عرض الحائط

وزمايل الحضري اللي شايفينه هرب وخد الملايين والناس كلها بتسانده وتطبطب عليه ولو وصلنا فعليا لكاس العالم هتتضمنوا ان الجيل ده كله ميعملش زي الحضري ويبقى بعد ما فرحنا اننا وصلنا كاس العالم ابقوا قابلوني لو عرفنا بعد كده حتى نوصل لكاس أفريقيا مش ناخده كمان !

والحقيقة أستغربت جدا بعد مباراة الكونغوا الديمقراطية ان كل القنوات الفضائية قبل ما يحللوا الماتش (لازم نشير أولا ان الهدف مش مسئولية الحضري) ياسيدي هي دي المشكلة ؟! وحد قالكوا اننا مشكلتنا ان الحضري يغلط او لأ وحتى لو خد أحسن حارس في التصفيات وحتى لو راح برشلونة المشكلة هيا هيا ليه دايما السطحية في علاج مشاكلنا وتوقع عواقبها ليه دايما نظرتنا ضائقة لتلك الدرجة العمياء !

والناس اللي بتساند الحضري دي بتسانده ليه هو فعلا الأهلي كان بيعامل الحضري بظلم هو الأهلي مكنش بيدي الحضري مستحقاته ولا مكنش بيطلعه في أعلانات ولا يمكن علشان كان المدير الفني دايما كان بيقعده على الدكة وبيعتمد على البدلاء هي مش دي الدفوع اللي قدمها الحضري للفيفا علشان يفسخه عقده مع الأهلي ؟!

هل النفاق وحب المال والشهرة وصل بينا اننا منرضيش ضمائرنا ؟!

هل دلوقتي اللي بيساند الحضري يبقى بيحب مصر واللي بيهاجمه مبيحبهاش ؟!

هو ليه دايما بنسيب الغلطة الأولى تستفحل وبعدين بنسأل عن الأسباب اللي أدت الى غلطات أخرى لماذا لا نتخلص من المرض بمجرد ظهوره لماذا ننتظر حتى ينتشر وينتشر حتى يصبح وباء ثم نبحث عن سبل العلاج ؟! ياعالم كرة القدم في مصر مش مجرد تضيعة وقت هي اكبر شئ في مجتمعنا يؤثر في الشباب فأرجوكم حرام عليكم تكسير المبادئ والتقاليد من أجل الشهرة والمال ومبدأ "مشي حالك" متزعلش حد منك !

وأكرر ومعي كثير من "جماهير مصر" لو كان وصولنا لكأس العالم سيتكسر معه كل المبادئ والمثل والقدوة يبقى من دلوقتي كلنا "مش عايزين مصر توصل كأس العالم"

وبالمناسبة وحاجة على الهامش كده في الأخر :

هيا الناس الأسمعلاوية خاصة اللي بتطالب بمبادئ النادي الأهلي في حل مشكلة حسني عبد ربه كانوا فين وكانت فين المبادئ لما رئيسهم يحي الكومي سافر سويسرا وكان عازم الهارب وحرمه على العشاء وهو يؤيد فعلته في كل وسائل الأعلام ويسانده ؟!

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://st3rcool.ahlamontada.com
zizostar
@MODERATOR@
@MODERATOR@
avatar

ذكر عدد الرسائل : 2428
العمر : 28
الموقع : ستــــــ كوووول ــــار
العمل/الترفيه : موظف فى ستار كوووول
نشاط العضو :
100 / 100100 / 100

المزاج :
الاقامه :
تاريخ التسجيل : 26/07/2007

مُساهمةموضوع: رد: أيوة مش عايزين مصر توصل كاس العالم !   الخميس يونيو 12, 2008 4:35 pm

من رأيى ان حسن شحاته بيغالط نفسه والمفروض واحد زى الحضرى ماعادش يلبس فالنه منتخب مصر تانى خالص
دا واحد باع ناديه وجمهوره هايبقى من السهل يبيع بلده
يلااااا اما نشوف اخرتها مع شحاته

مشكورررررررررررررررررررر يا بيسووووووووو على الموضوع الجامد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://st3rcool.ahlamontada.com
 
أيوة مش عايزين مصر توصل كاس العالم !
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ستار كوووول :: @رابطة عشاق الاهلى@ :: اخبار الاهلى-
انتقل الى: