@.C. دائـــــــــ كووووول ـــــــما .S.@


 
الرئيسيةاحلى ستارس .و .جالتسجيلالمجموعاتدخول

شاطر | 
 

 قبل المؤتمر الصحفي بساعات تنفرد بأول لقاء صحفي مطول بالزئبقي الجديد حسين ياسر المحمدي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بسيونى بسيونى
{زعيم رابطة الاهلى}
{زعيم رابطة الاهلى}
avatar

ذكر عدد الرسائل : 1523
العمر : 29
الموقع : ستــــــ كوووول ــــار
العمل/الترفيه : اهلاووووى
نشاط العضو :
73 / 10073 / 100

الاقامه :
تاريخ التسجيل : 06/10/2007

مُساهمةموضوع: قبل المؤتمر الصحفي بساعات تنفرد بأول لقاء صحفي مطول بالزئبقي الجديد حسين ياسر المحمدي   الأربعاء يونيو 25, 2008 11:31 am

ي البداية مبروك فوز قطر أمبارح وعلى تألقك في المباراة اللي تابعها كثير من الأهلاوية وكانوا سعداء بمستواك بعد ما قلبتها رأس على عقب بمجرد نزولك مع بداية الشوط الثاني

- ايه كان شعورك امبارح في المباراة وهل حسيت أن المباراة صعبة وموقف قطر خطير في تكملة المشوار ؟

لأ هو كان ماتش صعب خاصة ان احنا كان عندنا فرصة واحدة بنلعب بيها هي الفوز , وانا مكنتش جاهز مئة في المئة امبارح وبلعب بنسبة 40% من لياقتي البدنية لأني سفرت من اسبوع كنت في بلجيكا لأني جائتني مولودة جديدة فالواحد كانت دماغه مشغولة شوية ومع السفر وكده فمكنتش جاهز تماما بس الحمدلله نزلت وكان ليا بصمة في المباراة ودي كانت اهم نقطة غيرت المباراة وكويس ان احنا اتأهلنا طبعا وقطر تعتبر جديدة في لعبة كرة القدم وبيحاولوا يصرفوا كتير ليصلوا لمستوى ومكانة متميزة

- ده يخليني اسألك هل قطر في المرحلة الأخيرة هيكون موقفها صعب ؟

من بداية المجموعة في الأساس وقوعنا في مجموعة تضم استراليا منتخب قوي ووصل كأس العالم وعنده خبرة والعراق بطل أسيا والصين بلد المليار زي مابيقولوه وقوعنا وسط التلت فرق دول مكنش حد يتوقع اننا هنتأهل فدلوقتي لما تخش في افضل 10 فرق في اسيا في التصفيات الأخيرة فانت عندك فرص أكبر وكل شئ وارد في الكرة ومعنويا فرقت معانا كتير خاصة ان الحماس موجود وكلنا عندنا أمل الوصول لكاس العالم واحنا مع العراق فوزنا معاهم في المباراة الأولى واحنا كعبنا عالي على العراق والحمدلله امبارح كان عندهم جمهور كبير حوالي 10 او 15 الف وصدمناهم بالفوز ولكن ده ميمنعش ان العراق منتخب كبير وبيواجهوا غيابات كبيرة ومؤثرة بس احنا في النهاية الأجتهاد والروح اللي عندنا بتوصل بينا لنتيجة ايجابية

- انجازاتك ايه مع المنتخب القطري ؟

حصلت معاهم على دورة الألعاب الأسيوية وفوزت معاهم بكأس الخليج وتأهلنا اخيرا للدور الثاني في تصفيات كأس العالم

- احنا عارفين ان بدايتك كانت مع الأهلي في مرحلة الأشبال وناس كتير متعرفش ده وتعرف بس ان بدايتك كانت في قطر ياريت توضحلنا اكتر بدايتك مع الكورة ؟

انا سبت مصر وانا عندي 10 سنوات سافرت مع والدي قطر وكان مدرب نادي الخور "التعاون سابقا" وكنت في النادي الأهلي لحد عمر 9 سنوات واتدربت مع الكابتن فوزي سكوتي والكابتن شطة واتنقلت بعدين لقطر وكان موجود هناك مستر كوفر الهولندي اللي كان موجود في الأهلي واتدربت معاه 3 سنوات ودي الظروف اللي بعدتني عن مصر لكن كنت كل صيف موجود في مصر في أجازة بروح النادي واتدرب مع اللاعيبة واسافر تاني

- أحكي لي أكتر عن مشوارك كاملا مع كل الأندية اللي لعبت لها ؟

في قطر لعبت في نادي الخور "التعاون سابقا" لعبت معاهم حوالي 7 او 8 سنين وانا عندي 16 سنة لعبت مع الفريق الأول وده كان شئ كويس اداني خبرة في وقت مبكر وفي 2001 انتقلت لنادي الريان القطري ولعبت موسم واحد وبعدين انتقلت لأوروبا لأكاديمية مانشستر يونايتد وكان عندي 18 سنة وكان ميزة اني طلعت اوروبا في وقت مبكر بس للأسف لظروف تصاريح العمل في انجلترا اللي بتشترط اني اشارك في 75 % مباريات دولية مع منتخب بلادك معرفتش اكمل مع اليونايتد والفترة دي انا مكنتش بلعب مع المنتخب الأول بشكل مستمر ومانشستر كان عامل توأمة مع نادي انتويرب البلجيكي يجيب اللاعيبة اللي جاي من خارج قارة اوروبا ويبعتهم هناك 3 سنين ياخدوا خبرة ويرجعوا وقعدت هناك سنتين بس كان النادي صغير ومكملتش معاهم رغم اني كنت سعيد اني لعبت مباريات كتير وزادني خبرة ويمكن محطة الدوري البلجيكا من أهم المحطات للاعيبة العرب ياعني لو حد طلع على الدوري الأنجليزي او الأيطالي على طول مش هينجحوا فبلجيكا محطة مهمة لكل لاعب عربي واكبر مثال أحمد حسام "ميدو" وبعدين انتقلت لليماسول القبرصي ولعبتله عام وكان مع مدربي الهولندي اللي كان في الفريق البلجيكي

وبعدين روحت لمانشيستر سيتي قعدت 6 شهور وكان عمري 21 سنة واللي وداني هناك اللاعب الجزائري الدولي السابق علي بن عربيه وهو شافني في قطر وعرض عليا العب في اوروبا علشان هو ليه اسم كبير في اوروبا ومع الفريق لأنه طلعهم وقتها للدوري الممتاز وليه شهرة كبيرة والمفروض اني كنت جاي بديل لجون رايت فيلبس اللي راح تشيلسي وسجلت في اول مباراة معاهم وسجلت العقد كان لمدة عام بس اتصبت في ممنتصف الموسم وقبلتني ظروف سيئة ومعاكسة هناك لأني حتى في البداية كان الفريق في ازهى حالاته وكان بيكسب على طول وكنت رايح صغير ومعرفتش اخد فرصتي

ولعبت معاهم في الدوري الرديف اللي الناس هنا مش مدينله اهميته رغم ان اصعب لأن كل لاعب عايز ياخد فرصته وده بيبقى اصعب كمان وطبعا الدوري الأنجليزي استفدت منه كثيرا خاصة في اللياقة والسرعة اكتر من المهارة لأن اللعب هناك كلاسيكي 4/4/2 وراسين حربة 2 متر زي عمرو ذكي كده فبيختلف نادي ممكن تروح تنجح فيه يكون مع اداءك واسلوب لعبك ونادي لأ والبلد كمان ياعني لو جبت زيدان ورونالدينهو ولعبتهم في الدوري الأنجليزي ممكن يكون اصعبلهم من الدوري الأسباني

وبعد كده كملت اخر 3 شهور في العقد مع نادي السد القطري وبعدين انتقلت للريان موسم واحد ثم انتقلت الي البرتغال لنادي سبورتنج براغا وكنت ماشي معاهم كويس لحد ماغيروا المدرب وبعدين اعاروني لبوفيستا

- في ناس بتسأل هو ليه حسين حسين ياسر رغم ان سنه لم يتخطى ال25 عام لكن لعب وانتقل في اندية كثيرة ده ميأثرش عليه معنويا ؟

لا ده عادي بالنسبة لي لأن ده فادني اني خدت خبرات كتير وانا بعمل اللي عليا والأمور ممشيتش تمام وفي ظروف كتير ممكن تقف قدام الواحد حاجات غير الكورة وده ميمنعش اني بدور دايما على الأستقرار بس لو الأمور ممشيتش بدور على مكان تاني مادام ظروف انتقالي تسمحلي

- طيب ايه اكتر فريق واحسن تجربة مرت عليك وحسيت انك اديت فيها اكتر ؟

الفرقتين اللي لعبت معاهم في البرتغال سبورتنج براغا و بوفيستا

- ومين من النجوم المعروفين سواء عربيا او عالميا لعبت جنبه ؟

كتير لعبت جنب جوارديولا و اندي كول وروبي فولر و ديفيد جيمس وكلوديو رينا

- احكيلي قصة المفاوضات مع الأهلي وكيف بدأت وكيف صارت ؟

اول واحد كلمني كان امير عبد الحميد في البرتغال وسألني اذا كان عندي رغبة اني العب في مصر وقولتله ياعني هو هدف ليا بس مش دلوقتي بس لو جالي عرض كويس هفكر وتاني يوم كلمني عدلي القيعي في النادي واتفقنا اني اكون في الأهلي الموسم القادم

- بيقولوا ان الكابتن محمود الخطيب هو دايما كلمة السر في كل صفقات الأهلي هل تحدث معك الكابتن محمود الخطيب ؟

لأ هو كلم والدي بس مكلمنيش أنا خالص

- انت كان احساسك ايه لما عرفت بأهتمام الأهلي بيك ؟

اكيد طبعا كنت سعيد بأهتمام أي نادي بيا وخاصة لما يكون النادي الأهلي اكبر نادي في افريقا وكمان لما عرفت ان مدرب الأهلي هو مانويل جوزيه وهو اللي طلبني وسأل عني في البرتغال

- هو ده بس اللي خلاك تختار الأهلي ولا في اسباب تانية ؟

طبعا في اسباب كتير تانية بس كان اهمها رغبة مانويل جوزيه اللي طلبني بالأسم بعد ماتبعني في البرتغال وسأل عني وده شئ مهم

- انت قولت لو كان في أي نادي في مصر فاوضني كنت ممكن تروح له هل فيه نادي تاني في مصر فاوضك غير الأهلي ؟

لأ هو مفيش غير الأهلي فاوضني في الفترة الحالية

- طيب لو كان فيه فريق تاني فوضك مع الأهلي كنت هتختار الأهلي ؟

بص هو أي لاعب في مصر يتمنى يلعب للأهلي او الزمالك لكن الأهلي حاجة تساوي بالنسبالي اوروبا

- هل اداراة الأهلي اللي بتعتبر اكثر الأدارات احترافية في مصر ده شئ ريحك ورجح كافة الأهلي قدامك ؟

انا سعيد طبعا نتائج الأهلي وجمهوره شوفت ان الأداراة بتتعامل بأحترافية زيهم زي اوروبا في الأهلي

- صحيح انك اشترطت على الأهلي انك تقيد أفريقيا ؟

"يقاطع" انا مشترطش على حد الكلام ده مش صحيح

- طيب معروف ان مفيش لاعب من اللاعبون الجدد ضامن مكان في القائمة الأفريقية فالموضوع هيبقى صعب وممكن لا تقيد افريقيا هل ده هيحزنك ؟

انا كلاعب اتمنى اشارك في كل البطولات المهمة لكن لو النادي مسجلنيش فدي ظروف النادي وانا هأدي اللي عليا في المباريات اللي هشارك فيها في أي بطولة

- انت متابع صفقات الأهلي الجديدة الموسم ده ؟

اه متابع

- شايف ايه الصفقة اللي لفتت نظرك وشايفها مهمة جدا ؟

هو النادي الأهلي لما يعمل صفقة لازم تبقى لاعيبة هتفيدوا ياعني الأهلي مبيجريش وراء صفقة الا لو هتفيدوا وطبعا اتمنى ان كل الصفقات اللي جت الأهلي تفيده لأن الأهلي فريق بطولات

- مين لاعب في الأهلي لما بتشوفوه بتكون سعيد انك هتلعب بجواره ؟

كلهم نجوم ياعني الأهلي 7 او 8 لاعيبة في المنتخب المصري والمنافسة معاهم هترفع أي واحد

- سعيد انك هتلعب بجوار لاعبين أمثال ابو تريكة وبركات ؟

أكيد طبعا وأحمد حسن كمان ووائل جمعة وزي مقولتلك الأهلي كله نجوم

- مين لاعب في الأهلي حاسس انه قريب من طريقة لعبك واسلوب ادائك ؟

انا مقدرش اقول انا قريب من ده او ده دي حاجة يحكم عليها الجمهور

- احنا في مصر هنا لما شافوه طريقة لعبك وادائك وفيديوهات ليك قالوا انك شبه بركات بشكل كبير ؟

لأ طبعا محمد بركات لعيب كبير واتمنى اني اصل لمستواه واتمنى اني يكون اسمي عند جمهور الأهلي زي اسم محمد بركات في يوم من الأيام محمد بركات ليه تقله ووزنه في الملاعب ومع منتخب مصر ليه خبرة كبيرة وبطولات كثيرة واتمنى اني اكون مثله واكون عند حسن ظن الناس

- كأهلاوي مين من لاعيبة الأهلي زمان كان نفسك تطلع زيه او كان نفسك انك تكون موجود في جيله وتلعب جنبه ؟

كنت بحب اتفرج على وليد صلاح الدين حتى لما كان بينزل 10 دقايق او ربع ساعة فنياته كانت بتمتع كل اللي بيتفرج عليه

- هل استقريت على الرقم اللي هترتديه مع الأهلي ؟

لأ لسة معرفتش هعرف بكرة في المؤتمر الصحفي

- مانويل جوزيه بعد التعاقد هل حصل بينكم أي اتصال تليفوني ؟

لأ مفيش أي اتصال

- مين من الجهاز الفني كلمك ؟

الكابتن حسام البدري

- وايه اللي دار بينكم ؟

هو باركلي لأنضمامي بس انا كنت بعيد مع المنتخب ومكنش في فرصة نتقابل بس اتفقنا اني هسافر المعسكر يوم 1 / 7 إن شاء الله

- مين من لاعيبة الأهلي تربطك بيه علاقة شخصية وصداقة ؟

اه في كذا واحد اسامة حسني و امير عبد الحميد وكان بيجي حسام غالي وكنا بنزور بعض في بلجيكا وهولندا ورامي عادل وكان وائل رياض كمان بس يمكنعلشان بعدي عن مصر فكانت العلاقات مش قوية اوي

- كنت بتتابع مباريات الأهلي ؟

اه طبعا كنت بتابع الأهلي في بطولة العالم ووقتها كانت الناس كلها بتتكلم عن النادي الأهلي

- وكنت بتابع الدوري المصري ؟

احيانا بس مش كتير

- شايف ازاي هيكون الموسم الجاي للأهلي ومدى صعوبته وهل تتوقع منافسة محلية على الدوري العام هذا الموسم ولا كالمعتاد هيكون الأهلي قطب أوحد في البطولة كما هو الحال في الفترة الأخيرة ؟

المنافسة دايما قوية والفرق بتتحسن والفرق كلها لما بتلعب قدام الأهلي بتبقى عايزة تظهر كل امكانيتها فالموسم القادم مش هيبقى سهل

- احكيلي عن علاقتك بالأعلام الرياضي في كل الدول اللي احترفت فيها ؟

لأ الحمدلله انا معنديش أي مشاكل مع الأعلام وبأدي دوري كلاعب محترف واكيد في يوم من الأيام صحفي ينتقدك وصحفي يشجعك ويحبك فده شئ طبيعي

- بيقولوه الأعلام المصري شوية "مخربش" وصعب حاسس ازاي هتكون العلاقة معاه
؟

مظبوط هو الأعلام في اوروبا اقل ضغطا من الأعلام في مصر الأعلام المصري قوي وفعلا ناس بتهتم كتير

- حاسس انك قلقان منه ؟

لأ مش قلقان وبتمنى التوفيق من عند ربنا طبعا وانا مش بسمع كتير ياعني بحاول اعمل اللي عليا في الملعب وبأدي دوري في الملعب بس أحسن من تضيع الوقت في الكلام الكتير

- ازاي حاسس اللقاء الأول بينك وبين جماهير الأهلي خاصة انه يحتمل ان يكون لقاءك الأول بيهم يكون في مباراة الزمالك واكيد هيكون الأستاد مقتظ بجماهير الأهلي ؟

والله هتبقى مسئولية كبيرة طبعا ماتش مهم وماتش صعب وانا بالنسبالي كل الماتشات زي بعضها لكن بالنسبة للجماهير هي مباراة دربي والواحد بيبقى سعيد انه يلعب في الدربيات الكبيرة دي

- طيب هل انت سعيد انك هتشوف الجماهير دي كلها في اول مواجهة ليك ولا قلقان ؟

لأ انا سعيد جدا طبعا انا بحب المواجهة واحب اني اكون متواجد واتمنى ان يكون ليا دور مؤثر مع الفريق واشارك ان شاء الله واللي بتمناه ان الجمهور مايمثلش ضغط على اللاعيبة لأن من غير ضغط هنأدي اللي علينا خاصة مع المجموعة الكبيرة الموجود من النجوم دي

- حاسس ان الأهلي هيكون نقطة فاصلة في حياتك الكروية ولا مجرد مرحلة في اكبر نادي في افريقيا تكون بوابة ليك للعودة للأحتراف الخارجي ؟

بالنسبالي ان الأهلي لم جيه طلبني ده كان حلم بالنسبالي الناس كلها بتحبه والأعلام كله بيسانده وأكبر نادي في افريقيا ده غير اني رجعت بلدي وده يفرق معايا كتير ونقطة ايجابية بالنسبالي فده شئ طبيعي اني أفضل الأستقرار لكن انا عارف عن طريق الأهلي لو كملت بمستوى طيب ممكن ارجع تاني اوروبا واحترف

- طيب سؤال وده بقى يهم جماهير الأهلي جدا في الفترة الأخيرة .. لو الأهلي في يوم من الأيام شاف ان مصلحته انك متحترفش وتفضل مع الفريق هيكون ايه موقفك حتى ولو العقد كبير ؟

طبعا انا هلبي رغبة النادي والجمهور لو محتاجني وحبيين اني اكون موجود اعتقد هكون سعيد اني أكمل

- هل هيفرق معاك لو العقد كبير وفي فريق كبير عالمي ؟

لأ الأمور دي لو انا اتكلمت عن الأمور المادية فانا كنت ممكن استمر في الخليج او اطلع اوروبا لكن انا جاي الأهلي لأن عندي رغبة داخلية للعب في الأهلي والأولاوية كانت للأهلي لأني حابب اني اكون مع الأهلي وجماهيره الكبيرة وأخلصلها

- كأس اوروبا ؟

هي دي ماتشات الكورة هو ده المستوى مفيش فريق صغير ومفيش فريق كبير

- مين اكتر فريق لفت نظرك ؟

تركيا و روسيا

- مين الفريق اللي محققش طموحاتك ؟

هولندا والبرتغال لأن الفرقتين دول نفس الأمكانيات عندهم نجوم عالميين بس مشكلتهم انهم مبيلعبوش لعب جماعي

- مين اللاعب اللي لفت نظرك في البطولة ؟

دافيد فيا وشنيدر و فان در فارت واندرية أرشيفين

- في النهاية عايز منك رسالة كبيرة من القلب مكتوبة بتوقيعك تقدمها لجمهور الأهلي

جمهور النادي الأهلي العريق أتمنى مساندتكم لي من خلال بداية مشواري مع النادي الأهلي , وأوعد ببذل أقصى جهد لحصد بطولات بالنادي وإرضاء طموحاتكم وأتمنى ان اكون عند حسن الحظ



ودايما انفراااد مع ستار كوووول
ويارب الموضوع يعجبكم

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://st3rcool.ahlamontada.com
zizostar
@MODERATOR@
@MODERATOR@
avatar

ذكر عدد الرسائل : 2428
العمر : 28
الموقع : ستــــــ كوووول ــــار
العمل/الترفيه : موظف فى ستار كوووول
نشاط العضو :
100 / 100100 / 100

المزاج :
الاقامه :
تاريخ التسجيل : 26/07/2007

مُساهمةموضوع: رد: قبل المؤتمر الصحفي بساعات تنفرد بأول لقاء صحفي مطول بالزئبقي الجديد حسين ياسر المحمدي   الأربعاء يونيو 25, 2008 1:22 pm

يا حصريات الجااااااااااااااااااااااااااااااااامده يا بيسو
مشكورررررررررررررررررر يا زعيم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://st3rcool.ahlamontada.com
هايدى
**مشرفه شباب وبنات**
**مشرفه شباب وبنات**
avatar

انثى عدد الرسائل : 950
الموقع : ستــــــ كوووول ــــار
العمل/الترفيه : الانترنت
نشاط العضو :
50 / 10050 / 100

المزاج :
الاقامه :
تاريخ التسجيل : 22/11/2007

مُساهمةموضوع: رد: قبل المؤتمر الصحفي بساعات تنفرد بأول لقاء صحفي مطول بالزئبقي الجديد حسين ياسر المحمدي   الأربعاء يونيو 25, 2008 1:50 pm

ميرسى على الانفراد الجميل يا بيسو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://st3rcool.ahlamontada.com
حسونه الاهلاوى
{مشرف الانترنت والشبكات}
{مشرف الانترنت والشبكات}
avatar

ذكر عدد الرسائل : 2810
العمر : 28
الموقع : ستــــــ كوووول ــــار
العمل/الترفيه : بشتغل الناس
نشاط العضو :
100 / 100100 / 100

المزاج :
الاقامه :
تاريخ التسجيل : 20/11/2007

مُساهمةموضوع: رد: قبل المؤتمر الصحفي بساعات تنفرد بأول لقاء صحفي مطول بالزئبقي الجديد حسين ياسر المحمدي   الخميس يونيو 26, 2008 2:03 pm

اشطه يا بيسو يا مسيطنا بالحصريات الجامد

_________________


كــــ عام وانتم بخير ـــــل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://st3rcool.ahlamontada.com
 
قبل المؤتمر الصحفي بساعات تنفرد بأول لقاء صحفي مطول بالزئبقي الجديد حسين ياسر المحمدي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ستار كوووول :: @رابطة عشاق الاهلى@ :: اخبار الاهلى-
انتقل الى: