@@@البنات@@@

موضوع: @@@البنات@@@ الخميس أكتوبر 18, 2007 2:11 pm

الســــ عليكم ورحمة اللة وبركاتة ـــــلام

تعالوااااااا نشوف البنااااااااااات زمان ايام الغضنفر ((( سى السيد )))
والبناااااااااااااااات فى زمن البوى فريند

زمان كان البنات
بيتكسفوا يكلموا ولد
او عينهم ما تيجي في عين اي ولد وهم في الشارع رايحين المدرسه او الجامعه

بتبقي فتره جميله ورقيقه من المشاعر

البنت تحط عينها في الارض وشها يحمر لو شافت ولد متنح فيها

وكانت البنت بتتقل علي الولد وماتردش عليه الا بعد مايطلع روحه ويحفي وراها

والولد ماكانش بيتضايق بالعكس كل مايحس انها محترمه ومش سهله بيقدرهاا اكتر

واكتر حاجه جميله لو البنت مش بتاعه كلام فارغ ومتربيه بس ممكن تكون معجبه بالولد

تقوله انا ماليش غير طريق واحد هو البيت قصدها طبعا ((( الزواج )))

والولد الاهبل الغلبان يجري علي اهله ويقولهم لو ماتجوزتش فلانه اموت نفسي

طبعا البنت في الاول بتكون سابت له فتره علشان يسال عنها ويعرفها

ومافيش مانع لو يكلمها مره واحدة علشان يعرف اذا كانت هي موافقه عليه ولا لا

هم دول بنات زمان بنات سى السيد

تعالوا الحين نشوف بنات اليومين دول

الحال تغير

تلاقي البنت بتبص للولد ومتنحه فيه

وتعمل نفسها ماتبصش عليه وهي اصلا عينها منه

ولو الولد جاء يكلمها و الولد دة مشهور انه بتاع حريم وهي نفسها تمشي معاه

تقوله احترم نفسك

وطبعا ده لو هما في السكشن او جوه المدرج او حتي في الشارع

بس بعيد عن كده مممكن ياباشا

مثلا في مكااان زي كوفى شوب او الكورنيش

او منطقه بعيده خالص عن بيت اهلها

تلاقيها تقولك ماشي وتعطيك رقم تليفونها

وتكلمك بعد الساعه 12 بالليل وممكن تقابلك كمان

وكمان ممكن تسمحلك انك تمسك ايدها

وهي ايه ملاك برىء امام اهلها وتلاقيها بتصلي ومحجبه

وماحدش بيتكلم عنها بس بره حاجه تانيه خالص

وممكن بعد البنت تنفصل عن الولد

تتخطب لواحد تاني

وهو ياعيني مايعرفش انها كانت بتصيع مع واحد قبله نعم ليس لها معنى اخر غير
الصياعة والله اعلم ايه تاني حصل

وتلاقي الاخ اللي خطبها لو سمع حاجه كده او كده
يشك فيها وتبقي عيشته مقرفه
وهو مالوش ذنب الا انه اختار غلط

او ماحدش قاله انها كانت بتمشي مع واحد قبله

هي مش مشكله عويصه اوي
لان معني كده ان مافيش حد هيتجوز

فكده هيتوقف حال الجواز لو كلنا ابتدينا نشك

الحل اننا ننفض وننسى

بس ده مش معناه ان البنات كلهم وحشين لا لا طبعاااااااااااا لا للتعميم

في نوع من البنات

مالوش دعوه الا بالمزاكره وده كويس

بس بيهتموااا بمستقبلهم بطريقه فظيعه

وفي الاخر مابيتجوزش الا متاخر جدا زي معظم الدكاتره

في نوع متدين ومحترم وكويس جدا

بيتعامل معاك في حدود وهااا دول ربنا بيوفقهم

وفي نوع هعععععععع

(((( هاي بويز ))))

wats ur system

دول بنات روشه ومافيهمش مشكله

بس الناس ممكن تتكلم عنهم وحش رغم انهم مش قصدهم حاجه

لانة هو ده اسلوب حياتهم

وطبعااا في بنات محترمه
وترتاح انك تشوفها او تسلم عليها وتعاملك انك زميل مش اكتر من كده
يعني ما تعطيك رقمهاااا والكلام اللي بيعملوه شباب الجامعه بتوع اليومين دول

ويقولولك احنا زملاء مافيش زميل بيقف مع زميله لوحدهم بعيد عن الباقيين

او خارج الجامعه انتم فاهمين الزماله غلط

وفي نوع تاني

بيكون متفتح العقل..... ومثقف ...ومحترم ....ومتدين ..وله حدود في التعامل
وده نوع نادر مش موجود ودول الي ابحث عنهم

وفي نوع من البنات انت ماتعرفش عنه حاجه

غير انك شايفها محترمه ومابتكلمش ولاد وفي حالها

بس ممكن تكون لاحظت انها في بينك وبينها حاجه

بس انت مش عارف توصل لها او هي مش سامحه لك انك تكلمها

وممكن تحرجك ولو فكرت تتقدم لها

لانك ماتعرفش عنها حاجه او تعرف حد يعرفها

ياتري ممكن النوعيه دي

يدونا فرصه علشان نتعرف عليهم بغرض الزواج
علي الاقل اعرف عنوانها

المشكله الاكبر

لو انت خجول
مش هتقدر تقوم بالخطوه المناسبه

والبنت تلاقيها مستنيه منك الخطوه

فياريت النوعيه دي

تساعدنا علشان نتقدم ونمشي في الطريق الصح

وبالنهااااية
انا رايي زمان كان احسن من دلوقت بمراحل كبيره
مع التحية والتقدير

moso

موضوع: رد: @@@البنات@@@ الخميس أكتوبر 18, 2007 4:11 pm

كل زماااااااااااااااان وليه ناسه
دلوقتى اكيد عكس زمااااااااااان
بس بجد موضوعك جاااااااااامد يا موسو وانتا دايما مدلعنا بمواضيعك الشديده

موضوع: رد: @@@البنات@@@ الجمعة أكتوبر 19, 2007 12:32 am

هههههههههههههه

مشكووووووووووور موسووووووووو

شكرا يا جماعة على الردود الجميلة دى ميرسى ليكوا كلكوا

» البنات على المنتديات, تعالو نشوف اية ومين هما البنات
» لية الولاد بتعاكس البنات
» انواع البنات؟؟؟؟؟؟؟؟؟؟؟؟؟؟؟؟؟
» شرب البنات للسجاير
» ياسلاام على فشرررر البنات!!