واحد كان بيدور على مطعم نظيف، لقى محل مكتوب عليه (حاربنا الذباب) فراح داخل وأول ما جه الأكل تجمع الذباب عليه فقال للجرسون: بتقولو حاربنا الذباب وطلع كل الذبابا ده منين الجرسون: احنا حاربنا الذباب بس هو فاز علينا .
- واحد ماشي في الشارع قابله واحد تاني شكله مش على بعضه قاله: لو سمحت من فضلك قلعني الجاكتة
نعم؟!
قلعني الجاكتة بسرعة
حاضر..حاضر وراح مقلعه الجاكتة
لو سمحت بقه فكلي زراير القميص
لاااا دانت زّودتها اوي..كده تاخد برد يقلب بنزلة شعبية حادة تاخد أجلك
من فضلك فكها..بسرعة ارجوك
ُافففف..وادي زراير القميص خلاص فكتها..دا كان يوم إيه المهبب ده, ها أي اوامر تانية؟
أيوه قلعني بقه القميص
يا سيدي عييب..مايصحش كده, دإحنا فى الشارع خللي عندك دم
أرجوك..أرجوك بسرعة..مافيش وقت
دي وقعت إيه المهببه دي, أنا كان إيه إللي جابني من الشارع ده..وادي القميص ..هاااا..إيه تاني!!
إرسملي على ظهري خطوط بالطول وخطوط بالعرض
حسبي الله و نعم الوكيل..إنت مجنون ياراجل أنت؟؟!
من فضلك..أرجوك
رسمتلك زفت بالطول وزفت بالعرض
رقملي بقه المربعات إللي إتكونت على ظهري بالأرقام من 1 إلي 40
يا صبر أيوووب..بقه إنت معطلني كل ده علشان تلعبني سيجه على قفاك؟! بسرعة لو سمحت..أرجوك رقمهم..من فضلك مش قادر أديني رقمتهم.. لو سمحت بقى أهرشلي في المربع رقم 33
- الابن: بتعمل اية يابا؟؟
الاب: بكتب جواب لعمك
الابن: هو انت بتعرف تكتب؟؟
الاب: يعني هو عمك اللي بيعرف يقرا يا فالح
- واحد مجنون في مستشفى المجانين بيكلم الدكتور يا دكتور ليه انت مش عايز تصدق ان انا ابن نابليون؟
رد عليه مجنون تاني: طبعا عشان انت مجنون، يا دكتور متصدقهوش ده لا ابنى ولا اعرفه
- قبضوا على واحد حشاش بيسألوه العربية دي بتاعتك؟
ايوه ياباشا
والسجاير دي بتاعتك؟
ايوه ياباشا
والبانجو ده بتاعك؟
ايوه يا باشا
رموه في الحجز تاني يوم بيسألوه العربية دي بتاعتك؟
لأ يا باشا
السجاير دي بتاعتك؟
لأ يا باشا
البانجو ده بتاعك؟
لأ يا باشا
آمال امبارح قلت انهم بتوعك ليه؟
امبارح كنت عامل دماغ يا باشا
- وحده جوزها من اسبوعين مرجعش البيت
فأخذت ابنها الصغير وراحت قسم البوليس علشان تبلغ
فقال لها الضابط اعطيني مواصفات جوزك
فقالت: أبيض ..طويل ..عيونه خضر ..أشقر ..أمور !!!
قام ابنها قطع عليها الكلام ( يا ماما ده مش بابا )
فقالته اسكت..ممكن يجيبو واحد أحلى منه
- واحد بيقول لخطيبته أنا عاوز أقولك إني مش عندي سيارة ولا يخت ولا عمارة زي محمود صاحبي بس عاوز أقولك إني بحبك قالتله وأنا كمان بحبك بس كلمني اكتر عن محمود
- سواق ماشى ع الطريق واحد لابس احمر فى احمر شاورلة فوقف السواق و قالة انت مين و عايز اية قالة انا الفرفور
الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف
و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و
قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس
ابيض فى ابيض بيشاورلة ف السواق وقف و قالة يا ترى انت بقى الفرفور الابيض فقالة الراجل فرفور اية رخصك يا روح امك
- مره واحد مطرب بيقول لصاحبه شفتني امبارح وانا بغني كان صوتي مالي الصاله
ورد عليه صاحبه ايوه وكانت الناس بتخرج من الصاله عشان يوسعوا لصوتك
- ست ركبت اتوبيس وهى شايلة ابنها الصغير، جت تدفع التذكرة الكمسارى اتخض أول مابص للولد
وقال: اللهم احفظناانا عمرى ما شفت عيل وحش كدة، غطيه يا ست حرام عليكى!
الست زعلت قوى، وقعدت فى كرسيها تعيط بحرقة، الراجل اللى جنبها سألها: مالك يا مدام، بتعيطى ليه؟
الكمسارى ده ماعندوش دم، قل أدبه علي وانا خفت أرد عليه
تخافى تردى ليه؟ الاتوبيس ما فيهوش رجالة؟ردى عليه ولو فتح بقه بكلمة نخرشمه
عندك حق، أنا حأروح أبهدل كرامته
عداكى العيب، شيلينى النسناس بتاعك بقى علشان تعرفى تتخانقى براحتك
- كان في سلحفتين صغيرين كانوا بيحبوا بعض كبروا واتجوزوا وخلفوا سلحوف صغير سموه ابوسريع ,اقترحت ام
ابوسريع علي ابو ابوسريع انهم يروحوا يفسحوا الواد في البحر الاحمر جهزوا لوازم الرحلة واستغرقت الرحلة 15سنة
ذهاب.. وصلوا علي البحر وفرشوا علشان يأكلوا وفجأة صرخت ام ابوسريع "تصدق يابو ابوسريع نسينا اهم حاجة
نسينا الملاحة عشان الاكل .اخطف رجلك وروح البلد هاتها .."صرخ ابو ابوسريع وقال لسه هاروح 15سنة رايح و15 سنة
جاي يكون الاكل برد الأحسن نبعت الواد ابوسريع خفيف ولسه صغير.."ونادوا ابوسريع وقالولهه وبعتوه يجيب الملاحة
ومرت السنين...حوالى40 سنة وابوسريع مجاش، السلاحف بدأت تقلق فقالت ام ابوسريع احسن ناكل بدل ماالاكل يبرد
ولمايجي ابوسريع نعمله اكل ثاني "فجاة خرج ابوسريع من ورا شجرة وقال يعني لو كنت رحت كنتم كلتم من غيري
- مرة واحد اسمة عزوز راح اشتغل عند ميكانيكى صبى صغير .فى يوم قال عزوز لصاحب الورشة انا اعرف رئيس الحى
صاحب الورشة مصدقوش ولكن بعد يومين فعلا مر من قدام الورشة رئيس الحى وسلم على عزوز سلام حار صاحب الورشة
عجب بعزوز وشغلة اسطى فى الورشة وبعد يومين عزوز قال لصاحب الورشة انا اعرف الوزير قال لة لا ديا صعبة جدا
وفعلا بعد يومين مر الوزير من قدام الورشة وسلم على عزوز ...صاحب الورشة اتجنن وقال لعزوز يابنى انا هجوزك بنتى
وتمسك الورشة مكانى... وبعد يومين قال عزوز لصاحب الورشة انا اعرف كلينتون ولكن صاحب الورشة المرة ديا قال
لعزوز بلاش تهتش على ديا واسعة قوى ..عزوز قاله تعال نسافر وانا هعرفك وفعلا سافروا امريكا ووقفوا امام البيت
الابيض وعزوز قال لصاحب الورشة بص على الشباك الابيض الى فوق ده ..هطلع كمان شوية انا وكلينتون ونقول لك
هاى وفعلا عزوز طلع هو و كلينتون بعد خمس دقائق الراجل صاحب الورشة اغمى علية وراح المستشفى . ولما فاق
عزوز بيسألة انت اغمى عليك علشان شفتنى انا وكلينتون .صاحب الورشة قال لا يابنى انا اغمى علية علشان انت
والريس وافقين فى الشباك عدا من قدامى اثنين امريكان بيسألونى من الى واقف جنب عزوز ده
- كان فيه ولد كل يوم يروح عند محل الكيك ويقول للطباخ عندكم كيكة طماطم ؟
ويقوله الطباخ : " لا "
و فى اليوم اللى بعده يروح يسأل نفس السؤال عندكم كيكة طماطم ؟
و يقوله الطباخ لا
في الأخر ارف منه الطباخ وقال خليني أعمله كيكة طماطم وارتاح منه !
ولما جاء الولد وسأله نفس السؤال .. قال له الطباخ : " نعم .. عندنا كيكة طماطم "
رد عليه الولد وقال :" يععععععع .. انتو ازاي بتكلوها؟؟؟؟
- اب كسلان بيقول لابنه كسلان اوم افتح الباب لامك
قاله: ماتروح تفتحلها انت مش دي تبقى مراتك
قال الاب اوم يا ابني دي امك
قال الابن: وتبقي برده مراتك اوم انت افتحلها
طب هي طالق اوم بقي افتح
- واحد عنده ديك كل يوم بيصحيه فى الفجر أول يوم صحاه الساعة 5 تانى يوم 6 تالت يوم7 فالراجل قلق راح واخده
لساعاتى الساعاتى قاله خير راح الراجل قايله الديك بيخرف فى الوقت راح الساعاتى قايله طب سيبهولى اسبوع
الراجل مشى فالساعاتى راح واخد الديك وراح لمراته وقالها ادبحلنا الديك ده وهاتى العضم راحوا واكلينوا والساعاتى
اخد العضم وحطوا فى الدكان بعد اسبوع الراجل جاله وسأله عملت إيه قاله اهو فكيته وبشوف فيه إيه
- واحد اشترى طبق دش ، اكبر حجم وحطه فوق السطوح
وعلشان خايف عليه من السرقه نزل قال للحته كلها أن فيه كلب كبير جدا فوق السطوح
فاتنين من اهل الحته خادهم الفضول
فواحد بيقول للتاني تقدر تطلع تشوف الكلب قاله أيوه أقدر أنا مش بخاف
فطلع الراجل وشوية نزل بيجري
صاحبه بيقوله شفت الكلب قاله لا شفت الطبق اللى بياكل فيه
- الدكتور بيلف على العيانين فشاف واحد بيخبط دماغة فى الحيط فسال الممرضة ماله ده ؟؟
قالت له ده كان بيحب واحدة لكن مجوزهاش
فدخل الدكتور العنبر التانى فشاف واحد ماسك شبشب وبيخبط على دماغه فسال الممرضة وده ماله ده؟؟
قالت له ده الى اتجوزها
حبشتكنات ونكت وفرفشة
موضوع: نكت جامده ......كر كر كر كر كر 
الأربعاء أكتوبر 10, 2007 4:41 pm
