حذرنا الكبار واحنا لسه عيال من خطورة انننا نبقي (عيال صايعة) لما نتأخر في العودة للبيت بعد المدرسة بيستقبلوك بسؤال متكرر (( كنت فين يا صايع لحد دلوقتى))
ولما يكون الزرار العلوى للقميص مفتوح (( متفتحش صدرك زى العيال الصايعة))
وكان في ارتباط وثيق بين التدخين والوقوف عالناصيه ومعاكسه البنات و..الصياعه.. الى آخره
ولقب صايع كان مخيف بيهرب منو كل الاولاد (( وهو الواحد ايه غير سمعه وشويه حجات فوق بعض )) وكنا بنبعد عن اى شخص بيحمل لقب صايع علشان الواحد (( مايتشبهش))
ولكن الطفرة الى حصلت انو كلمة صايع بدل ما بقت كلمة عيب وشتيمه وكخة اصبحت وساما يضعه الآخرون علي صدر كل من يحوز اعجابهم ومبقاش الصايع هو الشخص (( الى مش متربي قليل الادب الى بيسقط دايما وقاعد علي طول عالنت وبيعلى صوتو علي أهله وبيسرق فلوس من ورا اهله علشان يجيب بيها سجاير ))
ولقب صايع مبقاش فقط علي الاشخاص .. انتقل لحجات تانيه كتير فمثلا
(( خد عندك ))
- جهاز الموبايل الى فيه كل الامكانيات الى محتاجها والى بتحلم بيها .... يبقي موبايل صايع
- ممكن تلاقي جون (( صايع)) عبارة عن جملة بين 3 لاعبين سريعه ورشيقة وغير متوقعة
- ممكن تلاقي بوستر لألبوم لمطرب متصمم بطريقة صايعة ومحطوط في حتة صايعة وممكن تشوف فيلم نهايته غير متوقعة فيبقي السيناريست الى كتب الفيلم سيناريست صايع
- وممكن تلاقي بلد يتقال عليها (( بلد صايعة )) زى الصين الى قدرت انها تخترق مصر وبقالهها فكل بيت 20 منتج علي الاقل وبالتالى تقدر تقول ان (( الصين دول صايعين أوى ))
دلوقتى نقدر نشجع بعض علي الصياعه بمفهومها الجديد
حسونه الاهلاوى
{مشرف الانترنت والشبكات}
عدد الرسائل : 2810 العمر : 34 الموقع : ستــــــ كوووول ــــار العمل/الترفيه : بشتغل الناس نشاط العضو :
هههههههههههههههههه حلو اوى الحوار دى فعلا الكلام ده موجود وكلمة صايع دى بقت بتوصف الحاجات الحلوة دا حتى انا نفسى لما اتخرج اشتغل صايع بعض الظهر ههههههههههههههههههههه
دشكرا يا هايدى على الموضوع
medoo
{عضو اساسى}
عدد الرسائل : 880 العمر : 36 الموقع : ستار كووول العمل/الترفيه : قاعد ع النت نشاط العضو :
هههههههههههههههههههههههههههههههههههه صايع فعلا فى ناس كتير بتفرح لما الواحد بيقول عليهم صايع بس احنا عندنا هنا فى المنصورة منتشر لقب ظالم او لقب كافر ههههههههههههههههههههههههههههههههههههه مشكورة على التوبيك الصايع دى
هايدى
**مشرفه شباب وبنات**
عدد الرسائل : 950 الموقع : ستــــــ كوووول ــــار العمل/الترفيه : الانترنت نشاط العضو :
شنبات وبنات وخناقات
موضوع: الصياعه ادب مش هز كتاف؟؟؟؟؟ 
السبت يونيو 21, 2008 1:01 pm
